Bechain bahut phirna ghabaraye hue rahna
ik ag si jazbon ki bahakaye hue rahna
ik ag si jazbon ki bahakaye hue rahna
chalkaye hue chalana khushbu-e-begani ki
ik bag sa tha apna mahkaye hue rahna
ik bag sa tha apna mahkaye hue rahna
is husn ka shewa hai, jab ishq nazar aye
parde main chale jana, sharmaye hue rahna
parde main chale jana, sharmaye hue rahna
ik sham si kar rakhna kajal k karishme se
ik chand sa ankhon main chamkaye hue rahna
ik chand sa ankhon main chamkaye hue rahna
adat hi bana li hai tum ne to “Munir” apni
jis shahar main bhi rahna uktaye hue rahna
jis shahar main bhi rahna uktaye hue rahna
No comments:
Post a Comment