Aankh Se Door Na Ho, Dil Se Utar Jaye Ga
Waqt Ka Kia Hai Guzarta Hai Guzar Jaye Ga
Itna Manoos Na Ho Khilwat-e-Gham Se Apni
TU Kubhi Khud Ko Bhi Dekhay Ga Tou Dar Jaye Ga
Tum Sar-e-Raah Wafa Dekhtay Reh Jao Ge
Aur Wo Baam-e-Rafaqat Se Utar Jaye Ga
Zindagi Teri Ata Hai Tou Ye Jaanay Wala
Teri Bakhshish Teri Dehleez Pe Dhar Jaye Ga
Doobtay Doobtay Kishti Ko Uchaala De Dun
Mein Nahi Koi TU Saahil Pe Utar Jaye Ga
Zabt Laazim Hai Magar Dukh Hai Qayamat Ka “Faraz”
Zaalim Ab Ke Bhi Na Roye Ga Tou Mar Jaye Ga
Waqt Ka Kia Hai Guzarta Hai Guzar Jaye Ga
TU Kubhi Khud Ko Bhi Dekhay Ga Tou Dar Jaye Ga
Aur Wo Baam-e-Rafaqat Se Utar Jaye Ga
Teri Bakhshish Teri Dehleez Pe Dhar Jaye Ga
Mein Nahi Koi TU Saahil Pe Utar Jaye Ga
Zaalim Ab Ke Bhi Na Roye Ga Tou Mar Jaye Ga
No comments:
Post a Comment